11.2.2012 | 20:20

Breiðfylkingin

Best er að taka fram til þess að forðast allan misskilning að Samtök fullveldissinna koma ekki að stofnun Breiðfylkingarinnar, en einstökum félagsmönnum er frjálst að fara eftir eigin sannfæringu eins og áður.

Við óskum Breiðfylkingunni farsældar sem og öðrum framboðum.


mbl.is Möguleikar nýju framboðanna
Tilkynna um óviðeigandi tengingu við frétt

Stjórnmál og samfélag | Slóð |

1.12.2011 | 13:08

Fullveldiskaffi í grasrótarmiðstöðinni

Samtök fullveldissinna bjóða gestum og gangandi upp á kaffi og meðlæti í tilefni fullveldisdagsins 1. desember frá klukkan 16:00 til 22:00 í Grasrótarmiðstöðinni að Brautarholti 4, Reykjavík.

Við vonumst til að sjá sem flesta og að geta átt vinalega stund saman.

 


mbl.is Fagna fullveldisdeginum
Tilkynna um óviðeigandi tengingu við frétt

Stjórnmál og samfélag | Slóð |

29.11.2011 | 12:10

Fullveldiskaffi

p155471-la_paz-coffee_and_cake.jpgSamtök fullveldissinna bjóða gestum og gangandi upp á kaffi og meðlæti í tilefni fullveldisdagsins 1. desember frá klukkan 16:00 til 22:00 í Grasrótarmiðstöðinni að Brautarholti 4, Reykjavík.

Við vonumst til að sjá sem flesta og að geta átt vinalega stund saman.    

Ratar þú ekki?  Láttu já.is vísa þér leið.


Stjórnmál og samfélag | Slóð |

2.2.2011 | 16:17

Bendum á samþykkt Samtaka fullveldissinna

Ef enginn fjölmiðill skyldi minnast á ályktun okkar sem var send til þeirra allra fyrr í dag viljum við benda fólki á hana:

Samþykkt stjórnar samtaka fullveldissinna um Icesave III


mbl.is Þjónar hagsmunum að ljúka Icesave
Tilkynna um óviðeigandi tengingu við frétt

Stjórnmál og samfélag | Slóð |

2.2.2011 | 15:14

Samþykkt stjórnar samtaka fullveldissinna um Icesave III

Enn og aftur hefur ríkisstjórnin gert samning (Icesave III) við Breta og Hollendinga um kröfur þeirra á hendur ríkissjóði Íslands að ábyrgjast innistæður Icesave-reikninga í Landsbankanum. Enn er niðurstaðan sú að upphæðin sem lendir á íslenskum skattgreiðendum er óþekkt og er því samningurinn andstæður anda stjórnarskrárinnar um ríkisútgjöld en ábyrgð ríkisins er viðurkennd í verki sem vaxtabær og lögleg skuld. Öllum leikum og lærðum er löngu orðið ljóst að það er engin ríkisábyrgð á Icesave samkvæmt lögum og reglugerðum. Eftir þjóðaratkvæðagreiðsluna 6 mars 2010 veit umheimurinn að íslenskir skattgreiðendur ætla sér ekki að taka ábyrgð á óráðsíu einkabanka og hefur staðfesta landsmanna í Icesave-málinu eflt virðingu og traust Íslands þrátt fyrir hræðsluáróður ríkisstjórnarinnar um hið gagnstæða. Ríkisstjórnin hefur heldur ekki leitað eftir bótum frá Bretastjórn fyrir beitingu hryðjuverkalaga sem olli íslenska ríkinu og þegnum þess miklum skaða.

Samtök fullveldissinna telja sjálfsagt að semja um að nýta sem best eignir sem innheimtast í bú Landsbankans til greiðslu Icesave.

Þær yfirlýsingar sem íslenskir ráðherrar voru neyddir með hótunum til að gefa gagnvart ESB í þvingaðri stöðu rétt eftir hrun ber íslenskum stjórnvöldum að ómerkja.

Ríkisstjórnin hefur sýnt í þrígang að hún virðir ekki vilja landsmanna og treystir sér þar að auki ekki til að fara eftir gildandi lögum og reglum og standa á rétti íslenska ríkisins. Hún er því vanhæf og ætti að segja af sér.

Stjórn samtaka fullveldissinna 1.2.2011


Stjórnmál og samfélag | Slóð |

1.2.2011 | 21:01

Norðmenn þurfa ekki EES-samninginn

EES-samningurinn verður alltaf meira íþyngjandi fyrir Norðmenn. Nú lítur út fyrir að ESB muni koma á fót nýrri eftirlitsstofnun með fjármálageiranum sem hefði lögsögu í Noregi vegna EES-samningsins og mun það dýpka enn frekar það stjórnkerfislega uppnám sem EES-samningurinn hefur valdið í Noregi. Eins og Íslendingar hafa fengið að kenna á eru lögin og reglugerðirnar um fjármálageirann (sem hrundi) komnar til vegna EES.

http://www.abcnyheter.no/nyheter/okonomi/101024/nytt-eu-organ-kan-fa-overnasjonal-makt-i-norge

Vaxandi efasemdir eru um EES-samninginn í Noregi. Þýðing hans fer minnkandi með hverju ári vegna þróun verslunar á heimsvísu og Alþjóða viðskiptastofnunarinnar (WTO). Ávinningurinn af EES fyrir efnahag og viðskipti Noregs er að hverfa.

http://e24.no/myter-om-eoes/3991870

http://www.abcnyheter.no/borger/110114/eos-avtalen-trenger-vi-den

Stjórnmál og samfélag | Slóð |

31.1.2011 | 18:20

Evrulönd föst í skuldafeni evrunnar

Verðbréfafyrirtæki í ESB eru nú farin að reikna með tapi á ríkisskuldabréfum nokkurra evrulanda, trúa ekki lengur á að þau geti borgað. Lánakjör til ríkissjóða þessara landa eru orðin mjög slæm, skuldatryggingarálag þeirra er orðið mjög hátt og hærra en Íslands sem þó varð fyrir því að helsta fjármálaland Evrópu reyndi að loka fjármálakerfi landsins í heild sinni. Jaðarlöndin sleppa ekki úr skuldahelsinu, skuldir þeirra eru í nýja gjaldmiðli ESB, evru. Það er „stöðugur gjaldmiðill“ og þau geta ekki bjargað efnahagnum með gengisfellingum eða peningaútgáfu (eins og við hér uppi á klakanum), það er á valdsviði seðlabanka ESB. Svo virðist sem viðbrögð Íslands í efnahagshruninu hafi verið skynsamlegri en hjá evruríkjum, verra er þó að núverandi ríkisstjórn hefur reynt (og reynir enn) að steypa ríkissjóði Íslands í glötun með Icesave.

Sjá grein Gunnars Rögnvaldssonar um skuldakreppu evrulanda.

Stjórnmál og samfélag | Breytt s.d. kl. 21:05 | Slóð |

20.1.2011 | 13:49

Fréttaskýring Morgunblaðsins

Á blaðsíðu 12 í Morgunblaði gærdagsins (19. janúar 2011) var birt smávægileg klausa um Samtök fullveldissinna.  Rétt er að taka eftirfarandi fram sem var ekki algerlega rétt með farið, svo og upplýsingar að auki:

  • Tekjur félagsins eiga uppruna sinn í frjálsum framlögum, en ekki félagsgjöldum.
  • Samtökin halda úti heimasíðu, ásamt þessari bloggsíðu og eru jafnframt virk á facebook.
  • Samtökin voru stofnuð í maí 2009 og ársreikninga ætti að skoða í því samhengi.
Hægt er að fá ítarlegri upplýsingar um samtökin með að nýta sér tenglana hér til vinstri á síðunni.

Stjórnmál og samfélag | Slóð |

14.1.2011 | 22:49

Hvað forðar okkur frá Icesave III?

Bretastjórn forðaði íslensku þjóðinni frá Icesave I samningnum með óbilgirni, forsetinn og þjóðin sjálf forðuðu okkur frá Icesave II, spurningin er hver forðar framtíðar landsmönnum frá Icesave III?


Enn eina ferðina hefur ríkisstjórnin samið um kröfur Bretastjórnar á hendur íslenskum skattgreiðendum um að ábyrgjast innistæður í Landsbankanum í Bretlandi. Enn er niðurstaðan sú að upphæðin er óþekkt, ábyrgð ríkisins er viðurkennd í verki, vextirnir og skuldin sömuleiðis. Aðalsamningamaður ríkisstjórnarinnar kom í sjónvarpið og margendurtók þetta (“---liability, interests, amount unknown---”). Áhorfendur skyldu þá strax að Icesave-málið er enn fast í sama farinu og það hefur verið frá byrjun. Öllum leikum og lærðum er löngu orðið ljóst að það er engin ríkisábyrgð á Icesave samkvæmt lögum og reglum. Samt treysta íslensk stjórnvöld sér ekki til að standa á rétti skattgreiðenda og hafna kröfum Bretastjórnar. Þau hafa ekki einu sinni, á þeim tveim árum sem krafan hefur verið að velkjast hjá ríkisstjórn og alþingi, tekið saman og birt þegnum sínum og umheiminum þau borðleggjandi lagarök gegn kröfum Breta sem allan tímann hafa legið fyrir. Þann 10. janúar 2011 spyr InDefence-hópurinn, sem hvað skeleggast hefur barist fyrir rétti þjóðarinnar í málinu: “Af hverju voru þjóðarhagsmunir ekki settir í forgrunn í þessari deilu”?

Lesa meira.


Stjórnmál og samfélag | Slóð |

14.1.2011 | 22:21

ESB-aðlögunin

ESB ætlast til að Ísland hefji strax upptöku ESB reglna áður en samningar um efniskafla hefjast.

ESB mun fylgjast náið með aðgerðum ríkisstjórnarinnar í vetur við að innleiða lög og reglur ESB.  Ríkisstjórnin mun þurfa að setja fram fjölmörg lagafrumvörp í vetur til að uppfylla kröfur ESB.

Yfirlýsingar ESB frá því í sumar taka af allan vafa um hvernig aðlögunarferlið verður þrátt fyrir yfirlýsingar VG og SF um annað.

Lesa meira


Stjórnmál og samfélag | Slóð |

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband